भिम वि.क.दिल्ली / भारतकाे राजधानी दिल्लिकाे मालवि नगरमा सञ्चालित ग्यालेक्सी किचनका सञ्चालक टिकापुरका माेहन जाेशिले होटल व्यवसाय गरी सफलता चुम्ने यात्रामा छन । 
३ महिना अघि मात्र दिल्लीकाे मालविनगरमा ग्यालेक्सी किचन संचालन गरेका होटल सञ्चालक माेहन जाेशि भन्छन, स्थापना भएको छाेटाे समयमै ग्राहकको राेजाइमा परेकाले भर्खरै संचालन भए पनि होटल व्यवसायबाट खुसी छु ।
विदेशमा हालै संचालन गरेको यस व्यवसायले मलाई नाम र दाम दुबै दिएकाे छ । स्तरीय सेवा ,स्वादिस्ट खाना र मुस्कान सहितको माैलिक नेपाली शैलीको अतिथि सेवाले सबैको रोजाईमा ग्यालेक्सी किचन होटल परेको छ उनलेे भने । विशेषगरी नेपाली खाना र नेपाली परिकारले ग्राहकको मन जितेको छ उनलेे दावी गरे ।
मासिक ८० हजार रुपैयाँ भाडा रहेको र थप सेवा विस्तार गर्ने साेचमा रहेका जाेशिले बताए । अहिले उनले होटलमा नेपाली र दार्जिलिङका १२ युवाहरूलाइ रोजगारी दिएका छन । उनीहरुले १० हजारदेखि २० हजारसम्म तलब पाएका छन । चिटिक्क परेकाे ,एसी रूम ,सफा वातावरण , स्वस्थ्य खाना र खाजा यस होटलका विशेषता हुन ।
अनलाइन मार्फत पनि सेवा प्रदान गर्ने गरेको उनलेे बताए । उनले आगामी दिनमा बिस्तारै सेवा सुविधा थप गर्ने योजना रहेको जानकारी दिए । उनले कैलाली टिकापुरमा लामो समय ग्यालेक्सी होटल संचालन गरेको र त्यही ब्रान्ड दिल्लीमा स्थापित गर्ने उनलेे योजना रहेको बताए ।
नयाँ ठाउँमा होटल सञ्चालन गरे। महंगो घर भाडा भएकोले होटल चल्न कठिन हुने अडकल उनका साथिभाइले नगरेका होइनन् तर, धेरैको अनुमानको विपरित राम्रो सुविधा र मिठो सत्कारका कारण होटलले गति लिन थालेको उनको भनाइ छ ।
उनको होटलमा नेपाली स्वादका लागि भारतीय युवाकाे लाइन लाग्ने गरेको उनका कर्मचारीले बताए । विशेषगरी चाउमिन, माेमाे भारतीय ग्राहकले रुचाउने गरेको उनलेे बताए ।
समाचार 
